Türkiyədə tanınmış azərbaycanlı rəssam İbrahim Səfiyə həsr olunmuş kitab çap edilib

Azərbaycanın İstanbuldakı Baş konsulluğunun təşəbbüsü və Azərbaycan Respublikası Dövlət Neft Şirkətinin (SOCAR) Türkiyədəki nümayəndəliyinin dəstəyi ilə tanınmış azərbaycanlı rəssam İbrahim Səfiyə həsr olunmuş “İbrahim Səfi - Rəsmlər, məktublar, sənədlər" adlı kitab dərc olunub.

NUHÇIXAN xəbər verir ki, kitabın “Ön söz”ünü Azərbaycanın İstanbuldakı baş konsulu Məsim Hacıyev yazıb.

Nəşr barədə məlumat verən M.Hacıyev kitabın iki qardaş ölkə arasında mədəni əlaqələrin inkişaf etməsi baxımından vacibliyini vurğulayıb. Baş konsul türk əsgərlərin köməyi ilə 1918-ci ildə İstanbula gələn və sənətə olan bağlılığı ilə bu sahənin qabaqcıl şəxsiyyətlərindən olan azərbaycanlı rəssamın mədəni biliklərimizin əsas simvollarından biri olduğunu qeyd edib.

Ardını oxu...

 

Festival iştirakçıları Əlincəqalanı gəziblər

NUHÇIXAN xəbər verir ki, “Naxçıvan-2019” Beynəlxalq Şahmat Festivalının iştirakçıları muxtar respublikanının tarixi abidələri, mədəniyyət müəssisələrini gəzirlər.

Növbəti ekskursiyada şahmatçılar Naxçıvan Dövlət Xalça Muzeyində olub, qonaqlara muzey haqqında məlumat verilib.

Həmin gün qonaqlar Naxçıvan şəhərində yerləşən hədiyyələr mağazasında da olublar. Naxçıvanlı sənətkarların əl işlərinin satıldığı mağazadan müxtəlif əl işləri alıblar. Sonra isə qonaqlar “Cahan” ticarət mərkəzindən alış-veriş ediblər.

Zəka sahiblərinin “Əlincəqala” Tarix Mədəniyyət Muzeyinə səfərləri daha çox yadda qalan olub. Naxçıvanın qədimliyini özündə əks etdirən maddi-mədəniyyət nümunələri, Naxçıvan ərazisində yaşayan qədim insanların istifadə etdikləri məişət əşyaları qonaqların diqqətini çəkib. Şahmatçılar qalanın zirvəsində fotoşəkillər çəkərək sosial şəbəkələrdə öz dostları ilə paylaşıblar.

“Nuhçıxan” İnformasiya Agentliyi

06.05.2019

 
 

“Azərbaycan xalçaları” elmi-publisistik jurnalının yeni nömrəsində...

“Azər-İlmə” Xalçaçılıq Mərkəzinin və Azərbaycan Milli Elmlər Akademiyasının Rəyasət Heyətinin birgə təsisçiliyi ilə nəşr olunan “Azərbaycan xalçaları” elmi-publisistik jurnalının yeni nömrəsi işıq üzü görüb.

NUHÇIXAN xəbər verir ki, sənətşünaslıq və tarix ixtisasları üzrə Azərbaycan Respublikası Prezidenti yanında Ali Attestasiya Komissiyasının elmi nəşrləri sırasında olan jurnalda rəsmi xronika, sənətşünaslıq, tarixşünaslıq, ayrı-ayrı xalq tətbiqi sahələrini əhatə edən müəllif yazıları, reportajlar, elmi məqalələr yer alıb.

Ardını oxu...

 
 

Mədəni-kütləvi tədbirlərin təşkilinə diqqət artmışdır

Aprel ayında muxtar respublikada mədəni-kütləvi tədbirlər davam etdirilmiş, əlamətdar və tarixi günlərlə bağlı tədbirlərin keçirilməsi diqqətdə saxlanılmışdır. Ay ərzində muxtar respublikanın rayon mədəniyyət saraylarında əhalinin asudə vaxtının və istirahətinin səmərəli təşkili məqsədilə konsertlər olmuş, tamaşa və filmlər nümayiş etdirilmişdir.

Aprel ayında Şərur yallılarının reyestrə alınması işi davam etdirilmiş, “Müasir gənclik və mədəniyyətimiz” devizi ilə “Adət-ənənələrimizin rəmzi - yallı” mövzusunda dəyirmi masa keçirilmişdir.

Ay ərzində Naxçıvan Muxtar Respublikasının yaradılmasının 95 illiyi, böyük Azərbaycan şairi Nəsiminin 650 illiyi, Cəlil Məmmədquluzadənin 150 illiyi, “Molla Nəsrəddin” jurnalının nəşrə başlamasının 113-cü ildönümü və başqa yubileylər qeyd edilmişdir. Keçirilən tədbirlərin kütləviliyinə və rəngarəngliyinə, keyfiyyət dəyişikliyinə də diqqəti artırmışdır. Nazirlik tərəfindən forma müxtəlifliyinə diqqət yetirilməklə müxtəlif müsabiqələr, dəyirmi masa, oxucu konfransı, xatirə gecəsi, anım günü, kitab müzakirəsi, intellektual oyun, maarifləndirici tədbir, mühazirə, metodiki kurs, seminar-treninq, eksponat təqdimatı, kitabxana və kitabxanaçı günləri, mütaliə günü, nağıl günü və başqa tədbirlərin keçirilməsinə nəzarət artırılmışdır.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 3 aprel 2019-cu il tarixli Sərəncamının, aprelin 15-də “Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə” keçirilmiş müşavirədə verilmiş tapşırıqların icrası ilə bağlı Nazirlikdə ekspert qrupu yaradılmışdır. Həmçinin muxtar respublikanın ali və orta ixtisas təhsili müəssisələrinin müəllim və tələbələri ilə görüş keçirilmişdir. Keçirilən görüşlərdə Sərəncamın icrası ilə bağlı təkliflər müzakirə olunmuşdur. Aprel ayı ərzində ali və orta ixtisas təhsili müəssisələrində müvafiq ixtisaslar üzrə ustad dərslər davam etdirilmişdir.

Ardını oxu...

 
 

Bu ilin ilk “Xalq yaradıcılığı günü” tədbiri Şahbuz rayonunda keçirilib

Şahbuz Rayon Mədəniyyət Şöbəsinin təşkilatçılığı ilə Şahbuz şəhərində “Xalq yaradıcılığı günü” adlı tədbir keçirilib. Əvvəlcə Şahbuz Rayon Mədəniyyət Şöbəsinin müdiri Mübariz Əliyev, Şahbuz Rayon İcra Hakimiyyətinin əməkdaşı Cəlal Paşayev və Mədəniyyət üzrə Elmi-Metodik Mərkəzin direktoru Səyyar Məmmədov çıxış edərək artıq 10 ildir muxar respublikada ənənəvi şəkildə keçirilən “Xalq yaradıcılığı günü” tədbirinin əhəmiyyətindən əhs ediblər. Bildirilib ki, Azərbaycan xalqının uzun əsrlər boyu yaratdığı mənəvi sərvətlər xəzinəsində ən möhtəşəm və şərəfli yerlərdən birini elə xalqımızın keşməkeşli tarixi boyunca formalaşan və bir nəslin digər nəslə əmanəti kimi çatdırılan xalqın yaratdıqları, xalq yaradıcılığı tutur. Xalqımız tarix boyu zəngin xalq yaradıcılığını, milli dəyərlərini, adət-ənənələrini qoruyub saxlayıb. Azərbaycanın hər yerində olduğu kimi, muxtar respublikanın bölgələrində də xalq yaradıcılığının müxtəlif sahələrinə yeni həyat verilir.

Qeyd edilib ki, Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında Xalq yaradıcılığı günlərinin keçirilməsi haqqında” 7 fevral 2009-cu il və “Şərur yallıları haqqında” 24 dekabr 2018-ci il tarixli sərəncamlarına əsasən, qədim diyarımızda milli-mənəvi dəyərlərimizin qorunması, təbliği və gələcək nəsillərə ötürülməsi istiqamətində həyata keçirilən tədbirlər unudulmaqda olan milli dəyərlərin yaşadılmasına xidmət edir. Ali Məclis Sədrinin sərəncamından sonra muxtar respublikamızın bütün bölgələrində xalq yaradıcılığının müxtəlif sahələrinə yeni həyat verilir. Xalq sənətinin və yaradıcılığının ağacişləmə, xalçaçılıq, papaqçılıq, dülgərlik, dəmirçilik, toxuculuq, zərgərlik, misgərlik sahələri ilə yanaşı, qədim rəqslərimiz, xalq oyunlarımız və mərasim tamaşalarımız yaşadılır. Xalqımızın yaratdığı yaradıcılıq nümunələri geniş və əlvandır. Təbii ki, bu sahədə görülən işlər də geniş və əhatəli olmalıdır. Bu zənginliyi və əlvanlığı qorumaq, gələcək nəsillərə çatdırmaq hər birimizin vətəndaşlıq borcudur.

Ardını oxu...

 
 

Səhifə 155 > 234-dən

Joomla 1.5