“15 İyun - Milli Qurtuluş Günü” ilə əlaqədar interaktiv dərs keçirilib

İyun ayının 11-də Heydər Əliyev Muzeyi ilə muxtar respublikanın ümumtəhsil məktəbləri arasında  “15 İyun - Milli Qurtuluş Günü” ilə əlaqədar “Ulu öndər Heydər Əliyev Azərbaycan xalqının xilaskarıdır” mövzusunda növbəti interaktiv dərs keçilmişdir.

İnteraktiv dərsi aparan muzeyin direktoru Ramil Orucəliyev qeyd etmişdir ki, dövlət müstəqilliyimizi qazanmaq nə qədər çətin olsada, onu qoruyub saxlamaq, möhkəmləndirmək bundan dəfələrlə çətin olmuşdur. Sirr deyil ki, Azərbaycan xalqı müstəqilliyin ilk illərində tarixin ağır sınaqları qarşısında qalmışdı. Azərbaycanda hakimiyyətsizlik, xaos son həddə çatmışdı. Respublika demək olar ki, bütün dünya dövlətlərindən təcrid olunmuşdu.

Xüsusi idarəçilik və təşkilatçılıq qabiliyyəti, böyük dövlətçilik təcrübəsinə malik, dünya siyasətçiləri içərisində öz dəsti-xətti ilə seçilən ümummilli liderimiz  hələ 1990-cı il 22 iyulda Naxçıvana gələrək burada xalqın dərdinə şərik çıxmışdı. Ümummilli lider Heydər Əliyevin rəhbərliyi altında Naxçıvanda dövlət quruculuğu, hakimiyyət və idarəetmənin təkmilləşdirilməsi sahəsində mühüm işlər görüldü. 17 noyabr 1990-cı il tarixdə Naxçıvan MSSR Ali Sovetinin birinci sessiyasında Heydər Əliyevin rəhbərliyi ilə  “Naxçıvan Muxtar Sovet Sosialist Respublikasının adının dəyişdirilməsi haqqında”,“Naxçıvan Muxtar Respublikası Ali dövlət hakimiyyəti orqanı haqqında” və “Naxçıvan Muxtar Respublikasının dövlət rəmzləri haqqında” qərarlar qəbul edildi. 3 sentyabr 1991-ci ildə Naxçıvan Muxtar Respublikası Ali Məclisinin sədri seçilən ümummilli lider Naxçıvanda mövcud siyasi böhranı aradan qaldırdı. İqtisadi islahatlara başlanıldı, sahibkarlığın inkişafına şərait yaradıldı. Muxtar Respublikanın sərhədlərinin müdafiəsi istiqamətində gərəkli işlər görüldü. Ümummilli  liderimizin Naxçıvanda müstəqil, tarazlı və cəsarətli siyasət yeritməsi bütün Azərbaycan xalqının diqqətini cəlb edir, Ona olan ümidləri artırırdı. Azərbaycanda başlanmış təhlükəli proseslərin qarşısını ala bilməyəcəklərini dərk edən iqtidar son anda kömək üçün Heydər Əliyevə müraciət etdi. Ulu öndər Heydər Əliyev xalqın ağır günündə xalqın və hakim dairələrin təkidli dəvətini qəbul edib 1993-cü il iyunun 9-da Bakıya getdi. 15 iyun 1993-cü ildə Heydər Əliyev Ali Sovetin sədri seçildi. İyunun 24-dən isə Ulu öndər Milli Məclisin qərarı ilə Azərbaycan Respublikası  Prezidentinin səlahiyyətlərini həyata keçirməyə başladı.

1993-cü il oktyabrın 3-də Azərbaycanda prezident seçkiləri keçirildi. Xalq öz xilaskarı Heydər Əlirza oğlu Əliyevi Azərbaycan Respublikasının Prezidenti seçdi. Bundan sonra Azərbaycanda dövlətçiliyin bərpa və inkişaf etdirilməsi, ictimai-siyasi sabitliyin, dövlət intizamının, qanunçuluğun möhkəmləndirilməsi başlandı. Ölkənin xarici və daxili siyasət kursu işlənib hazırlandı. Dünya siyasətini müəyyən edən dövlətlərlə tarazlı əlaqələr yaradıldı. Bölgədə iqtisadi və siyasi marağı olan dövlətlərlə Azərbaycanın suverenliyinə hörmət çərçivəsində uğurlu əməkdaşlığın əsası qoyuldu.

Ardını oxu...

 

Uşaq və gənclər arasında keçirilən muxtar respublika üzrə ifaçılıq müsabiqəsinə yekun vurulub

Mayın 31-dən start götürən uşaq və gənclər arasında muxtar respublika üzrə ifaçılıq müsabiqəsinə bu gün yekun vurulub. Müsabiqədə Mədəniyyət Nazirliyinin tabeliyindəki musiqi təhsili müəssisələrində təhsil alan istedadlı uşaq və gənclər iştirak ediblər.

Qeyd edək ki, muxtar respublikada gənc nəslin təhsili ilə yanaşı, onların istedad və bacarıqlarının üzə çıxarılması, asudə vaxtlarının səmərəli təşkili istiqamətində də ardıcıl tədbirlər görülür. Mədəniyyətin, xüsusilə musiqi sənətinin inkişafı əsas vəzifələr sırasındadır. Uşaq musiqi və bədii sənətkarlıq məktəbləri üçün yeni binalar tikilərək istifadəyə verilir, gənc nəslə milli musiqi sənətimizin öyrədilməsi istiqamətində ardıcıl tədbirlər həyata keçirilir. Yaradılan şəraitin nəticəsidir ki, uşaq musiqi, incəsənət və bədii sənətkarlıq məktəblərinin şagirdləri ölkəmizdə, eləcə də ölkə səviyyəsində keçirilən müsabiqələrdə uğurla iştirak edirlər. Müsabiqənin keçirilməsində əsas məqsəd muxtar respublikada musiqi sənətinin inkişaf etdirilməsi, gənc istedadların aşkara çıxarılması, onların ifaçılıq səviyyəsinin yüksəldilməsidir. Müsabiqə üç yaş qrupu (8-11, 12-15 və 16-19) olmaqla tar, kamança, qanun, saz, balaban, qarmon, fortepiano, skripka, klarnet, truba, fleyta ixtisasları üzrə 300 nəfərə yaxın iştirakçı mübarizə aparmışdır.

Ardını oxu...

 
 

Açıq havada kino nümayişi təşkil olunmuşdur

3 iyun 2021-ci il tarixdə Naxçıvan Dövlət Film Fondu “Əyləncə adası” İstirahət Parkında açıq havada “Yoxdur belə söhbət” bədii filminin nümayişini təşkil etmişdir.

2017-ci ildə çəkilmiş, 2018-ci ildə yayımlanmış Azərbaycanfilm kinostudiyasının istehsalı olan film, romantik-komediya janrındadır.

Film iki həvəskar musiqiçi olan Kamran və Məcnunun təsadüfən nənə-nəvə olan Tamilla və Sara ilə tanışlığından və onların gözlənilməz əhvalatından bəhs edir. Gözlənilməz bir hadisə nəticəsində tanınmış idman şərhçisi özünü tapmamış rok musiqiçi ilə, Altsheymer xəstəliyindən əziyyət çəkən nənə isə qraffiti həvəskarı ilə Yeni il gecəsini birlikdə keçirmək məcburiyyətində qalırlar.

Qeyd edək ki, filmin ssenari müəllifləri Kamal Həsənov, Rüfət Həsənov və Asif Rüstəmov, rejissoru Rüfət Həsənovdur.

Filmdə Günəş Mehdizadə, Həsən Ağa, Emil Məcnunov, Tünzalə Qəhrəman və başqaları çəkiliblər.

 

Naxçıvan Muxtar Respublikası Mədəniyyət

Nazirliyinin mətbuat xidməti

03.06.2021

 
 

Qədim abidələr milli sərvətimizdir

Vaxtilə Naxçıvan memarlıq məktəbinin bir qolunu da Ordubad təşkil edibdir. Təsadüfi deyil ki, Azərbaycanın memarlıq abidələrinin bir çoxu bu rayonun ərazisində yerləşir.

Rayondakı tarixi memarlıq abidələrindən Malik İbrahim məscidi, Mingis məscidi, Qeysəriyyə binası, Buzxana, Məbəd, yeraltı tikililər, XIX əsr hamamı bərpa edilibdir. Qədim Cümə məscidində isə əsaslı surətdə təmir-bərpa işləri davam etdirilir.

Nüsnüs kəndi Ordubad şəhərindən 7 kilometr aralı başbaşa vermiş üç dağın arasında yerləşir. Çox gözəl havası var. Bu kənd vaxtilə Ordubad elinin mühüm oylaqlarından biri imiş. Kənddə indi də keçmiş dövr ilə əlaqədar yer adları qalmaqdadır. Obana, Sərcur və sair.

Sərcur sərin su bulağı deməkdir. Kənddəki yer adlarından Şamxalan, Xamxalan daşı, Satdağı, Mülküm dərə, Şabadan dərəsi, Pir dərəsi, Mehri, Avahiz, Əmiran, Gülləzəmi, Top və sair (Güləman, Kahalar, Qaroğuz bağı, Püştə ovadərə, Diyaq, Şah çeşməsi, Qələgüney və sair) qədim toponimlərdir.

Bu adların hamısının öz mənası olmuş və həmin məkanın xüsusiyyətini özündə əks etdiribdir.

Nüsnüs kənd hamamı hazırda istifadə edilmir. Biz də elə bu binadan söhbət açacağıq. Hamamın ətraf zonası Murqalan adlanır. Onun bünövrəsi demək olar ki, tamamilə yer altındadır. Yalnız günbəz, gümbədələr, bir də giriş qapısı yerin üzünə çıxır. Girişdən 12 pilləkən aşağı enirsən (giriş qapısının eni 90 santimetr, hündürlüyü isə 1,65 metrdir). Binanın tininə görə giriş qapıları dar və alçaqdır.

Ardını oxu...

 
 

May ayı həyata keçirilən bir sıra mədəni tədbirlərlə yadda qalmışdır

Bu ilin may ayı muxtar respublikanın mədəniyyət müəssisələri tərəfindən həyata keçirilən bir neçə mədəni hadisələrlə əlamətdar olmuşdur.

Ötən ayın ən yaddaqalan hadisələrindən biri Azərbaycan milli teatr tarixinə parlaq və şərəfli səhifələr yazmış Naxçıvan teatrının yaradılmasının 138-ci ildönümünün qeyd edilməsi olmuşdur. Bu münasibətlə mayın 11-də C.Məmmədquluzadə adına Naxçıvan Dövlət Musiqili Dram Teatrında dahi Azərbaycan şairi Nizami Gəncəvinin “Sirlər xəzinəsi” poeması əsasında səhnələşdirilmiş “Nizaminin Sirlər xəzinəsi” adlı tamaşanın onlayn premyerası keçirilmişdir. Tamaşa Naxçıvan Muxtar Respublikası Mədəniyyət Nazirliyinin rəsmi internet saytında və sosial şəbəkə hesablarında canlı olaraq yayımlanmışdır.

Mayın 18 də “Beynəlxalq Muzeylər Günü”ndə 200-dən çox maddi-mədəniyyət nümunəsinin Təhsil Nazirliyi tərəfindən Mədəniyyət Nazirliyinə təqdim edilməsi mərasimi olmuşdur.

Naxçıvan Muxtar Respublikası Mədəniyyət Nazirliyinin təşkilatçılığı ilə may ayında rəqs, həmçinin solo oxuma və xanəndəlik müsabiqələri keçirilmişdir. Müsabiqələrdə Naxçıvan Musiqi Kollecinin, uşaq musiqi, incəsənət və bədii sənətkarlıq məktəblərinin tələbə və şagirdləri, eləcə də Naxçıvan Dövlət Uşaq Filarmoniyasının və klub müəssisələrinin dərnək üzvləri iştirak etmişlər.

Ötən ay həm də Naxçıvan şəhərindəki “Əyləncə adası” İstirahət Parkında “Əbədi ezamiyyət” sənədli-bədii filminin göstərilməsi ilə açıq havada kino nümayişlərinə başlanmışdır.

Naxçıvan Muxtar Respublikası Ali Məclisi Sədrinin “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinə dair əlavə tədbirlər və innovasiyaların dəstəklənməsi haqqında” 3 aprel 2019-cu il tarixli Sərəncamının icrası ilə bağlı nazirliyin hamiliyinə verilmiş Naxçıvan Dövlət Universitetinin “Muzeyşünaslıq, arxiv işi və abidələrin qorunması”, eləcə də  “Kitabxanaçılıq və informasiya” ixtisaslarında təhsil alan tələbələri üçün Naxçıvan Dövlət Xalça Muzeyində və M.S.Ordubadi adına Naxçıvan Muxtar Respublika Kitabxanasında müvafiq mövzularda 2 açıq dərs keçilmişdir. Həmçinin “Kitabxanaçılıq və informasiya” ixtisası üzrə Naxçıvan Müəllimlər İnstitutunun və Naxçıvan Musiqi Kollecinin III kurs tələbələrinin M.S.Ordubadi adına Naxçıvan Muxtar Respublika Kitabxanasında təcrübə keçmələri təmin edilmişdir.

Ardını oxu...

 
 

Səhifə 6 > 284-dən

Joomla 1.5