“Azərbayacan musiqi tarixindən” mövzusunda mühazirələrin təşkili və film nümayişləri davam etdirilir

Mart ayının 4-də Naxçıvan Muxtar Respublikasının Mədəniyyət Nazirliyinin təşkilatçılığı ilə Naxçıvan Dövlət Film Fondunda “Azərbayacan musiqi tarixindən” mövzusunda tədbir keçirilib.

Naxçıvan Musiqi Kollecinin müəllim və tələbə kollektivinin həmçinin uşaq musiqi, incəsənət və bədii sənətkarlıq məktəblərinin müəllimlərinin iştirakı ilə baş tutan tədbirdə Naxçıvan Musiqi Kollecinin müəllimi Aysel Qalayevanın “Azərbaycan musiqi mədəniyyətinin  görkəmli siması Fikrət Əmirovun həyat və yaradıcılıq irsi” mövzusunda mühazirəsi dinlənilib.

Ardını oxu...

 

Xatirələrdə yaşayan ömür

Bəstəkar Məmməd Məmmədov haqqında yazı hazırlayarkən onun ailəsi ilə də maraqlanmağı özümə mənəvi borc bildim. Öyrəndim ki, bəstəkarın üç övladı var. Onlardan hazırda Bakı şəhərində yaşayan Fəridə Məmmədova ilə əlaqə saxladım. O, Ali Məclis Sədrinin bəstəkar Məmməd Məmmədovun 100 illik yubileyinin keçirilməsi haqqında imzaladığı Sərəncamın atasının yaradıcılığına verilən yüksək qiymət olduğunu və bütövlükdə, mədəni irsimizə göstərilən bu qayğıya görə minnətdarlığını bildirdi. Atası ilə bağlı xatirələrini bölüşdü:

– Atam təkcə yaxşı musiqiçi, pedaqoq yox, həm də xoşxasiyyətli, mehriban, qayğıkeş və zəhmətkeş bir insan idi. Deyirlər, musiqiçilər incə ruhlu insanlardır. Şübhəsiz ki, atamın belə gözəl xarakterə malik olması öz sənətinə vurğunluğu ilə əlaqədardır. O, musiqi ilə yaşayır, onunla nəfəs alırdı. Sənətindən şövqlə danışar, çəkdiyi zəhmətdən zövq alardı. Atam gördüyü işlə heç vaxt kifayətlənmirdi. Daim musiqi aləmində axtarışda idi. Demək olar ki, onun boş vaxtı olmazdı. Vaxtının çox hissəsini piano arxasında məşqlə, ya da ki, musiqi bəstələməklə keçirərdi.

Bir müəllim kimi yetişdirdiyi tələbələr ilə həmişə fəxr edirdi. Öz tələbələri ilə həm də yaxın dost olmağı bacaran bir pedaqoq kimi onların fikirlərini də dinləyərdi. Teatr isə Məmməd müəllim üçün başqa bir aləm idi. Hansısa yeni bir dram əsərinin musiqi tərtibatı üzərində yorulmadan çalışardı.

Bu gün Naxçıvan şəhərindəki 1 nömrəli Uşaq Musiqi Məktəbinin atamın adını daşıması və 100 illik yubileyinin keçirilməsi ilə bağlı verilən sərəncam bizi musiqiçi ailəsi olaraq sevindirir və qürurlandırır. Bütün bunlara görə Ali Məclis Sədrinə minnətdarıq.

Bəstəkar Məmməd Məmmədovun yetirmələrinin və sənət yoldaşlarının da xatirələrini dinlədik.

Ardını oxu...

 
 

Ötən ay muzeylərə 171 ədəd yeni eksponat daxil olmuşdur

Naxçıvan Muxtar Respublikası Mədəniyyət Nazirliyi tərəfindən bu ilin fevral ayında tarixi və əlamətdar günlərlə, tanınmış şəxsiyyətlərin anım günləri və yubileyləri ilə əlaqədar tədbirlər keçirilmiş, ustad və açıq dərslər keçilmiş, eləcə də “Oxunması zəruri olan kitabların siyahısı”na daxil edilmiş müvafiq kitabların müzakirələri təşkil olunmuşdur.

Cəlil Məmmədquluzadə adına Naxçıvan Dövlət Musiqili Dram Teatrında Gənclər Günü münasibətilə aid təşkilatlarla birgə keçirilən tədbirdə Naxçıvan Dövlət Filarmoniyasının Kamera Orkestrinin ifasında Azərbaycan Respublikasının Xalq artisti Teymur Göyçayevin dirijorluğu ilə konsert proqramının təqdim edilməsi fevral ayı keçirilən əlamətdar mədəni tədbir kimi yaddaqalan olmuşdur.

Naxçıvan Muxtar Respublikası Mədəniyyət Nazirliyi və Gənclər Fondunun birgə təşkilatçılığı ilə keçirilən “Naxçıvandan dünyaya” sosial çarx və qısa filmlər müsabiqəsinə fevral ayında yekun vurulmuş, qaliblər müsabiqəni keçirən təşkilatların diplomları və pul mükafatı, fərqlənənlər isə fəxri fərmanlarla təltif olunmuşlar.

AMEA Naxçıvan Bölməsinə Nazirlik tərəfindən hədiyyə olunmuş 24 ədəd qədim əlyazma və kitabın, Naxçıvan Dövlət Tarix Muzeyində isə 89 ədəd maddi-mədəniyyət nümunəsinin təqdimat mərasimlərinin keçirilməsi onu göstərir ki, muxtar respublikadakı müvafiq elm və mədəniyyət müəssisələrinə eksponatların hədiyyə edilməsi işi bu ilin fevral ayında da diqqətdə saxlanmışdır. Ümumilikdə, ötən ay muzeylərə 171 ədəd yeni eksponat daxil olmuşdur. Muzeylərimizi fevral ayında 32 min 844 nəfər tamaşaçı ziyarət etmişdir ki, onlardan 3 min 952 nəfəri əcnəbi, 28 min 892 nəfəri yerli vətəndaşlar olmuşdur.

Ardını oxu...

 
 

Musiqi məktəblərinin şagirdləri arasında “Lira” musiqili-intellektual oyunu keçirilib

Bu gün Naxçıvan şəhərindəki “Gənclər Mərkəzi”ndə Naxçıvan Muxtar Respublikasının Mədəniyyət Nazirliyinin təşkilatçılığı ilə uşaq musiqi, incəsənət və bədii sənətkarlıq məktəblərinin şagirdləri arasında keçirilən “Lira” musiqili-intellektual oyunu başa çatıb.

Oyun başlanmazdan əvvəl Naxçıvan Muxtar Respublikası Mədəniyyət Nazirliyinin təhsil müəssisələri ilə iş üzrə baş məsləhətçisi Leyla Əlimərdanova çıxış edərək bildirib ki, “Lira” musiqili-intellektual oyununda muxtar respublikanın 26 uşaq musiqi incəsənət və bədii sənətkarlıq məktəblərinin hamısının iştirak etməsi nəzərdə tutulub və bununla bağlı qrafik tərtib edilib. Vurğulanıb ki, “Lira” musiqili-intellektual oyunlarının keçirilməsi şagirdlərin dünyagörüşü və intellektual səviyyəsinin artmasına böyük təsir göstərir.

Daha sonra komandalara oyunun şərtləri izah edilib.

Qeyd edilib ki, bugünkü oyunda Naxçıvan Şəhər Uşaq Musiqi və İncəsənət Məktəbi, Babək və Sədərək rayon uşaq musiqi məktəbləri, Kolanı, Aralıq, Bənəniyar və Zeynəddin kənd uşaq musiqi məktəblərinin şagirdlərindən ibarət komandalar iştirak edəcəklər.

Sonra oyun başlayıb və şagirdlər musiqinin ümumi-nəzəri məsələləri ilə yanaşı Azərbaycan və dünya bəstəkarlarının əsərləri ilə bağlı sualları cavablandırıblar.

Sonda Naxçıvan Şəhər Uşaq Musiqi və İncəsənət Məktəbinin “Harmoniya” kamandası I dərəcəli, Bənəniyar Kənd Uşaq Musiqi Məktəbinin “Əlincə” komandasə II dərəcəli, Zeynəddin Kənd Uşaq Musiqi Məktəbinin “Retro” komandası III dərəcəli diplomlara layiq görülüblər. Babək Rayon Uşaq Musiqi Məktəbinin “Turan” komandası diplomla təltif edilib.

Naxçıvan Muxtar Respublikasının

Mədəniyyət Nazirliyinin mətbuat xidməti

28.02.2020

 
 

Tələbələrlə görüş keçirilib

Fevralın 28-də Naxçıvan Dövlət Filarmoniyasında Naxçıvan Muxtar Respublikası Mədəniyyət Nazirliyinin təşkilatçılığı ilə “Motivasiya formalaşdırıcı fəaliyyətin əsas şərtidir” mövzusunda görüş keçirilib.

Naxçıvan Musiqi Kollecinin tələbələrinin iştirak etdiyi tədbiri giriş sözü ilə Mədəniyyət üzrə Elmi-Metodik Mərkəzin direktoru Səyyar Məmmədov açaraq görüşün mahiyyəti barədə məlumat vermişdir.

Tədbirdə Naxçıvan Müəllimlər İnstitutunun müəllimi, psixoloq Çapay Quliyev mövzu ilə əlaqədar mühazirə söyləmişdir. Qeyd edilmişdir ki, motivasiya insanın iş görməsini dəstəkləyən təhrikedici psixoloji qüvvədir. O, insan davranışlarını istiqamətləndirməklə onların fəaliyyətsizliyini aradan qaldırır, fəaliyyətin davamlılığını təmin edir. Təlimdə motivasiya təhsilalanlarla əlaqəli olub, onları təlim prosesində iştirak etmək arzuları ilə təmin edir. Fəaliyyətsizlik, zəif motivasiya ilə müşayiət olunan təlimdə təhsilalanlar özləri özlərini ruhlandırmaqda çətinlik çəkirlər.

Ardını oxu...

 
 

Səhifə 3 > 186-dən

Joomla 1.5