Müasir kitabxana xidmətinin yüksək səviyyədə təşkilində elektronlaşma mühüm rol oynayır

Müasir kitabxana informasiya xidməti qədim zamanlarda meydana gəlmiş, tarixən inkişaf edib formalaşmış, zaman keçdikcə zənginləşmiş kitabxana-biblioqrafiya xidmətinin yeni, inkişaf etmiş, təkmilləşmiş, müasir informasiya texnologiyası ilə silahlanmış mərhələsidir.

Hazırda oxuculara xidmətin müasir informasiya texnologiyası ilə təmin edilməsi məqsədilə kitabxanalarda elektron oxu zallarının yaradılması, oxucular üçün ümumaçıq informasiya məkanının formalaşdırılması, elektron kataloqlar və elektron kitabxanaların yaradılması, elektron sənədlərlə xidmət və sair informasiya texnologiyasının tətbiqini təmin edən tədbirlər həyata keçirilir. Müasir dövrdə informasiyanın sürətlə artması və tez köhnəlməsi oxuculara operativ və coğrafi uzaqlıqdan asılı olmayaraq, xidmət göstərilməsini diktə edir. Ona görə də ənənəvi ximətdən fərqli olaraq elektron kataloqların köməyi ilə xidmət oxuculara şəbəkə vasitəsilə kitabxananın ədəbiyyat fondunun tərkibi ilə daha tez tanış olmağa imkan verir. Həmçinin oxucuya sorğularına operativ və kitabxanaçı-biblioqrafın köməkliyi olmadan, uzaq məsafədən cavab almağa, ədəbiyyatı onlayn sifariş etməyə şərait yaradır. Elektron kataloq kitabxana fondunun real uçotunun, oxucuların statistikasının, maraq dairəsinin müəyyən edilməsinə, kitabın hərəkətinin izlənilməsinə, ədəbiyyat fondunun oxucu sorğusuna uyğun komplektləşdirilməsinə və yeniləşdirilməsinə, oxuculara müasir səviyyədə virtual xidmət təşkil etməyə, oxucuların kitabların elektron versiyalarını əldə etməyə imkan verir.
Ümumiyyətlə, elektron kitabxanaların yaradılmasının əsas məqsədi informasiya xidmətinin keyfiyyətinin yüksəldilməsi, istənilən növ və mövzulu informasiyadan istifadənin genişləndirilməsi, elektron resurslara keçid zamanı istifadəçilərin sayının artırılmasıdır ki, bu da aşağıdakı üsullar vasitəsilə həyata keçirilir:
– istənilən növ informasiyadan istifadənin təmin olunması;
– informasiya ötürücüləri və alıcıları dairəsinin genişləndirilməsi;
– fiziki və ya sosial əngəlli istifadəçilərin informasiya almasına məhdudiyyətlərin aradan qaldırılması;
– informasiyanın istənilən yerə, o cümlədən iş masasına və ya evə çatdırılması imkanlarının genişləndirilməsi;
– informasiyaya müraciət və onun alınma vaxtına məhdudiyyətlərin ləğvi.
Ölkəmizdə ilk elektron kitabxana yaratmaq təşəbbüsləri ötən əsrin 80-ci illərinin sonlarında Azərbaycan Elmlər Akademiyasının Avtomatlaşdırılmış idarəetmə sistemləri laboratoriyasının əməkdaşları tərəfindən irəli sürülmüşdür. Məhz bu laboratoriyada musiqi alətlərinin elektron kitabxanası yaradılmışdır. Hazırda isə qlobal internet məkanında Azərbaycan dilli resursları cəmləşdirən onlarla elektron kitabxana mövcuddur. İlk dövrlərdə elektron kitabxanalar məhdud olsa da, 2007-ci il aprel ayının 20-də Azərbaycan Respublikasının Prezidenti cənab İlham Əliyevin imzaladığı “Azərbaycanda kitabxanaların fəaliyyətinin yaxşılaşdırılması haqqında” Sərəncamı bu sahənin kompleks və konseptual inkişafına təkan verdi. Məhz bu Sərəncamda bir sıra digər tədbirlərlə yanaşı, ölkənin iri kitabxanalarının elektron kataloqu və elektron kitabxanasının müasir standartlar səviyyəsinə qaldırılması, onun bazasında “Azərbaycan ədəbiyyatının virtual kitabxanası”nın oxucuların tam istifadəsinə verilməsi nəzərdə tutulmuşdur.

Ardını oxu...

 

Gənclər arasında “Retro və müasir Azərbaycan musiqiləri” adlı tədbir keçirilib

Naxçıvan şəhərindəki “Görüş yeri” kafesində Naxçıvan Muxtar Respublikası Mədəniyyət Nazirliyinin “Harmoniya” Gənclər birliyinin üzvləri arasında “Retro və müasir Azərbaycan musiqiləri” adlı tədbir keçirilib.

Tədbiri giriş sözü ilə Naxçıvan Muxtar Respublikası Mədəniyyət Nazirliyi Aparatının İncəsənət və təhsil müəssisələri ilə iş şöbəsinin aparıcı məsləhətçisi, Nazirliyin Gənclər Təşkilatının sədri Elvin Əhmədov açmışdır. Qeyd olunmuşdur ki, gənclərin asudə vaxtının səmərəli və faydalı təşkili və dünyagörüşünün artırılması baxımından bu tədbirlərin əhəmiyyəti böyükdür. Cari ildə Nazirliyin Gənclər Təşkilatının fəaliyyəti müxtəlif tədbirlərlə yaddaqalan olmuşdur. Gənclər arasında istər onlayn, istərsə də ənənəvi üsulda yarış və müsabiqələr, maarifləndirici tədbir, diskussiyalar təşkil olunmuşdur.  Daha sonra söz “Harmoniya” Gənclər Birliyinin sədri Müzəffər Yusifova verilmişdir. Müzəffər Yusifov öz çıxışında bildirmişdir ki, Gənclər Təşkilatının mütəmadi olaraq təşkil olunan onlayn və ənənəvi tədbirlərinin şahidi oluruq. Gənclər həmin tədbirlərdə iştirak edərək dünyagörüşünü genişləndirir, yeni məlumatlar əldə edir, digər bölgələrdən olan gənclərlə tanış olur. Bugünkü tədbir isə digər tədbirlərdən mahiyyət etibarilə fərqlənir. Belə ki, tədbir rəsmi və bədii hissə olmaqla iki hissədən ibarətdir. Tədbirdə 4 gəncin retro və müasir Azərbaycan musiqiləri yönündə çıxışları ilə yanaşı musiqi nömrəsi də ifa olunacaqdır. Müzəffər Yusifov “Azərbaycan gəncliyi və musiqi” mövzusunda məlumat vermişdir.

Ardınca gənclərdən Aysel Əhmədova “Qal sənə qurban”, Rəfiqə Baxşıyeva “Bayatılar mahnısının tarixçəsi”, Məsmə Cəfərova “XXI əsr musiqiləri” və Xəyal Abbasov “Retro musiqilər” adlı mövzularda çıxışlar etmişlər. Qeyd olunan mövzular ətrafında diskussiya aparılmışdır. Qeyd olunan çıxışlarla yanaşı tədbirin gedişi zamanı Yuxarı Daşarx Kənd Uşaq Musiqi Məktəbinin müəllim və şagirdlərinin ifasında Azərbaycan xalq mahnısı “Qarabağ” və Ələkbər Tağıyevin “Sən gəlməz oldun” mahnıları həmçinin balabanda “Sarı gəlin” və sazda “Baş sarıtel Səyyadi” ifa edilmişdir. Balabanda Samir Ağayev, qarmonda Aqil Əliyev, sazda Hümbət Əliyev və nağarada İslam Əhmədov musiqi nömrələrini təqdim etmişdir.

Tədbir qarşılıqlı müzakirə formasında başa çatdırılmışdır.

Naxçıvan Muxtar Respublikası Mədəniyyət Nazirliyinin

mətbuat xidməti

06.07.2021


 
 

Şahbuz Rayon Mədəniyyət Sarayında “Qarabağ şikəstəsi” tamaşası nümayiş olunub.

Ssenari müəllifi əməkdar artist Tofiq Seyidov olan tamaşada rayonun Güney Qışlaq kəndinin 1-ci Qarabağ müharibəsində qəhrəmanlıq göstərərək şəhid olan qəhrəman övladı Vaqif Əhmədovdan bəhs olunur. O dövrdə Bakı Dövlət Universitetinin Mədəniyyət və İncəsənət fakültəsində təhsil alan Vaqif Əhmədov müharibə başlayan kimi, Qarabağa yollanır, özünü vətən uğrunda odlu-alovlu səngərə atır. Tamaşanın süjet xəttini Vaqifin hərbçi yoldaşları ilə birlikdə müharibədə bir sıra hərbi əməliyyatların hazırlanmasında və yüksəkliklərin alınmasında fəal iştirakları, göstərdikləri qəhrəmanlıqlar təşkil edir.

Şahbuz Rayon Xalq Teatrı tərəfindən hazırlanan tamaşanın quruluşçu rejissoru Namiq Mehdiyev, rəssamı Səxavət Paşayev, musiqi tərtibatçısı Mübariz Əliyevdir. Tamaşada rayonda fəaliyyət göstərən təcrübəli və həvəskar aktyorlar, eyni zamanda gənc istedadlar rol alıb.

Naxçıvan Muxtar Respublikası Mədəniyyət

Nazirliyinin mətbuat xidməti

03.07.2021

 
 

Şahbuz Rayon Mədəniyyət Sarayında “Qarabağ şikəstəsi” tamaşası nümayiş olunub.

Ssenari müəllifi əməkdar arist Tofiq Seyidov olan tamaşada rayonun Güney Qışlaq kəndinin 1-ci Qarabağ müharibəsində qəhrəmanlıq göstərərək şəhid olan qəhrəman övladı Vaqif Əhmədovdan bəhs olunur. O dövrdə Bakı Dövlət Universitetinin Mədəniyyət və İncəsənət fakültəsində təhsil alan Vaqif Əhmədov müharibə başlayan kimi, Qarabağa yollanır, özünü vətən uğrunda odlu-alovlu səngərə atır. Tamaşanın süjet xəttini Vaqifin hərbçi yoldaşları ilə birlikdə müharibədə bir sıra hərbi əməliyyatların hazırlanmasında və yüksəkliklərin alınmasında fəal iştirakları, göstərdikləri qəhrəmanlıqlar təşkil edir.

Şahbuz Rayon Xalq Teatrı tərəfindən hazırlanan tamaşanın quruluşçu rejissoru Namiq Mehdiyev, rəssamı Səxavət Paşayev, musiqi tərtibatçısı Mübariz Əliyevdir. Tamaşada rayonda fəaliyyət göstərən təcrübəli və həvəskar aktyorlar, eyni zamanda gənc istedadlar rol alıb.

Naxçıvan Muxtar Respublikası Mədəniyyət
Nazirliyinin mətbuat xidməti
03.07.2021

 
 

İyun ayı istedadlı uşaq və gənclər arasında keçirilən yaradıcılıq müsabiqələri ilə yadda qalıb

Bu ilin iyun ayı muxtar respublikanın mədəniyyət müəssisələri tərəfindən həyata keçirilən bir neçə mədəni hadisələrlə əlamətdar olmuşdur.

Naxçıvan Muxtar Respublikası Mədəniyyət Nazirliyinin təşkilatçılığı ilə bu ilin aprel, may və iyun aylarında 400 nəfərə yaxın istedadlı uşaq və gəncin qatıldığı üç yaş qrupunda rəsm, rəqs, solo oxuma-vokal və muxtar respublika ifaçılıq müsabiqələri keçirilmişdir. İyunun 23-də Naxçıvan şəhərindəki “Gənclik Mərkəzi”ndə Nazirliyinin təşkilatçılığı ilə uşaq və gənclər arasında keçirilmiş rəsm, rəqs, solo oxuma və ifaçılıq müsabiqələrinin yekununa həsr olunmuş tədbir keçirilmiş, tədbirdə 4 müsabiqə, 14 nominasiya və 3 yaş qrupu üzrə ümumilikdə 157 iştirakçı və kollektiv təltif edilmişdir. Tədbirin bədii hissəsində müsabiqə qaliblərinin ifasında konsert proqramı olmuşdur.

Açıq havada kino nümayişləri iyun ayında da davam etdirilmiş, Naxçıvan şəhərindəki “Əyləncə adası” İstirahət Parkında sakinlər üçün 4 film nümayiş olunmuşdur.

“26 İyun – Silahlı Qüvvələr Günü” münasibətilə mədəniyyət müəssisələri tərəfindən silsilə tədbirlər keçirilmişdir. Hərbi qulluqçular üçün Şahbuz Rayon Xalq Teatrı tərəfindən “Qarabağ şikəstəsi” əsəri əsasında hazırlanan tamaşa nümayiş olunmuş, Naxçıvan Dövlət Filarmoniyasının, eləcə də rayon və şəhər mədəniyyət şöbələrinin musiqi kollektivləri tərəfindən konsert proqramları təqdim edilmişdir.

Naxçıvan Muxtar Respublikası Ali Məclisi Sədrinin “Aşıq Ələsgərin 200 illik yubileyinə həsr olunmuş Tədbirlər Planı”nın təsdiq edilməsi haqqında” 2021-ci il 22 fevral tarixli Sərəncamının icrası ilə bağlı iyun ayında Naxçıvan Muxtar Respublikası Mədəniyyət Nazirliyinin, Aşıqlar Birliyinin və Yazıçılar Birliyinin birgə təşkilatçılığı ilə yaradıcılıq müsabiqəsi keçirilmiş, yekun tədbirdə müsabiqənin qalibləri mükafatlandırılmış və onların ifasında konsert proqramı təqdim edilmişdir.

Azərbaycan Respublikası Prezidentinin “Azərbaycan Respublikasında 2021-ci ilin “Nizami Gəncəvi İli” elan edilməsi haqqında” 2021-ci il 5 yanvar tarixli Sərəncamının icrası ilə bağlı Nizami Gəncəvinin 880 illiyinə həsr olunmuş 4 tədbir keçirilmişdir.

Ardını oxu...

 
 

Səhifə 3 > 284-dən

Joomla 1.5